A procesión da Virxe de Belén cumpre 25 anos

O barrio de Vite celebrará o domingo a procesión da Nosa Señora de Belén, que sairá como todos os anos da igrexa parroquial de San Xoán Apóstolo ás doce do mediodía para percorrer as rúas do barrio. Será, porén, unha ocasión especial porque se celebran os vinte e cinco anos desta cita relixiosa, que alcanzou un grande arraigo no popular polígono compostelán.

Portará o estandarte Ángel Hermida Quintás, e as cintas os seus fillos Alejandro e David Hermida Fuentes.

Unha misa na igrexa de San Xoán Apóstolo porá fin á celebración relixiosa.