Emotiva homenaxe a un dos grandes do Lobelle: Manu
O ex capitán pechou o encontro cun gol, antes de irse ao banco e recibir unha sentida ovación da afección ·· Regaláronlle unha placa, un cadro cos seus mellores momentos e unha camiseta de Lentini
O ex capitán do Lobelle recibiu onte unha sentida homenaxe en Santa Isabel, na que foi a súa despedida do Lobelle, club no que militou durante quince tempadas, e onde logrou, entre outros, o título de campión de Copa de España, en Zaragoza, e a Supercopa de Europa en Santiago.
Onte, o polideportivo compostelán reuniu aos antigos e novos compañeiros do xogador santiagués de Vite, que xa antes do partido fixéronlle o corredor ao ex capitán que saíu á cancha acompañado do seu fillo. Na bancada centos de afeccionados e a peña Manuboys deron unha calorosa benvida a un dos grandes do Lobelle, que xunto aos seus vellos compañeiros Betão, Saúl, Marimón, Pulpis ou Pitu, entre moitos outros, enfrontáronse ao primeiro persoal do conxunto compostelán.
Aínda que o resultado favoreceu ao Lobelle (4-2), iso foi o de menos, xa que o momento culmen da noite foi a sentida ovación que recibiu Manu tras marcar o segundo e definitivo gol dos seus, nas postrimerías do encontro, e sentar no banco con xesto de emocionado, ao cumprirse un dos seus desexos antes deste partido: que estivesen todos os que compartiron con el todas esta tempada na elite.
Pero non quedou aí a despedida. Os xogadores, o club e a súa peña obsequiárono cunha camiseta do Milan co número 8 e o nome de Lentini, un cadro cos seus mellores momentos en imaxes, e unha placa conmemorativa respectivamente.
E tras a foto de familia, Manu foi manteado no medio da pista na que creceu e fixo historia co Xacobeo Lobelle.
O ex capitán do Lobelle recibiu onte unha sentida homenaxe en Santa Isabel, na que foi a súa despedida do Lobelle, club no que militou durante quince tempadas, e onde logrou, entre outros, o título de campión de Copa de España, en Zaragoza, e a Supercopa de Europa en Santiago.Onte, o polideportivo compostelán reuniu aos antigos e novos compañeiros do xogador santiagués de Vite, que xa antes do partido fixéronlle o corredor ao ex capitán que saíu á cancha acompañado do seu fillo. Na bancada centos de afeccionados e a peña Manuboys deron unha calorosa benvida a un dos grandes do Lobelle, que xunto aos seus vellos compañeiros Betão, Saúl, Marimón, Pulpis ou Pitu, entre moitos outros, enfrontáronse ao primeiro persoal do conxunto compostelán.
Aínda que o resultado favoreceu ao Lobelle (4-2), iso foi o de menos, xa que o momento culmen da noite foi a sentida ovación que recibiu Manu tras marcar o segundo e definitivo gol dos seus, nas postrimerías do encontro, e sentar no banco con xesto de emocionado, ao cumprirse un dos seus desexos antes deste partido: que estivesen todos os que compartiron con el todas esta tempada na elite.
Pero non quedou aí a despedida. Os xogadores, o club e a súa peña obsequiárono cunha camiseta do Milan co número 8 e o nome de Lentini, un cadro cos seus mellores momentos en imaxes, e unha placa conmemorativa respectivamente.
E tras a foto de familia, Manu foi manteado no medio da pista na que creceu e fixo historia co Xacobeo Lobelle.
Amigos e compañeiros de Manu co ex-capitán e xunto á camiseta que lle regalaron co nome de ‘Lentini’Para ler a nova no seu lugar de orixe, preme aquí
Enviar um comentário