sábado, 19 de fevereiro de 2011

Un vendedor da ONCE reparte en Compostela 175.000 euros de premio

Ángel Presedo traballa co seu posto ambulante na zona de Vite//Hai dúas clientas fixas entre as afortunadas


Rebosante de felicidade. Así estaba onte Miguel Ángel Presedo, vendedor da ONCE, que repartiu 175.000 euros en Compostela, xa que vendeu cinco cupóns premiados cada un con 35.000 euros no sorteo celebrado o mércores 16 de febreiro.

Este vendedor do ONCE levou a sorte ao Polígono de Vite e ao barrio de Guadalupe, que é onde traballa habitualmente, aínda que tamén vende por outras zonas da capital galega.

Ángel Presedo, de 42 anos, sabe que dous dos cupóns premiados vendeullos a dúas clientas habituais, que todos os días lle compran boletos. Trátase de dúas mulleres de mediana idade, que rondan os cincuenta anos. Sobre o resto de afortunados non ten pistas, aínda que el está moi contento por repartir este premio, sobre todo debido á complicada situación económica que se vive na actualidade en España. De todos os xeitos, é probable que llos vendese a alguén dos barrios de Vite ou Guadalupe.

MÁIS PREMIOS. Presedo leva 24 anos traballando ca ONCE e esta non é a primeira vez que reparte un premio importante, xa que hai 22 anos vendeu corenta cupóns dotados cada un deles con 15.000 euros. Unha cifra que por aquel entón era un premio moi importante. Ademais, hai uns anos vendeu un Combo.

Agora, Ángel espera que o refacho continúe e que os composteláns se animen a comprarlle máis boletos.

Durante a súa actividade como vendedor do ONCE xamais tivo un problema con ningún dos seus clientes.

O sorteo do cupón do 16 de febreiro tamén levou a sorte a outras zonas de España: Almería, Vilanova, Madrid e Alacante. O cupón diario do ONCE ofrece, por 1'5 euros, cincuenta premios de 35.000 euros ás cinco cifras.

Ademais, teñen premio de 500 euros os números anterior e posterior ao agraciado; e o premio de 200, 20 e seis euros ás catro, tres e dúas últimas cifras, respectivamente do cupón premiado. Así como reintegros de 1'5 euros á última e primeira cifra.

Os cupóns do Once comercialízanse a través de máis de 22.000 axentes repartidos por todo o territorio nacional.

O cupón da ONCE deixa 175.000 euros nos barrios de Vite e Guadalupe

O sorteo da ONCE do 16 de febreiro deixou na cidade 175.000 euros. O vendedor, Miguel Ángel Presedo, vendeu cinco cupóns do número que resultou gañador nos barrios de Vite e Guadalupe, que foron agraciados cada un con 35.000 euros.

O vendedor é o que habitualmente vende os produtos da ONCE nesta zona da cidade como ambulante, polo que é case seguro que os cupóns se venderon de forma individual entre veciños ou comerciantes da zona.

O sorteo do pasado mércores tamén levou a sorte a outras zonas de España como Almería, Vilanova i Geltrú, no barrio de Moncloa en Madrid e en Alacante.

Os cupóns da ONCE ofrece por 1,5 euros, 50 premios de 35.000 euros ás cinco cifras. Ademais ofrece premios de 500 euros aos números anteriores e posteriores aos agraciados. Os outros premios son de 200, 20 e seis euros ás catro, tres e dúas últimas cifras, respectivamente, así como reintegros de 1,5 euros á última e primeira cifra.

Os cupóns comercialízanse por máis de 22.000 axentes vendedores da ONCE e tamén se poden adquirir na páxina web e nos puntos de venda habitual.

sexta-feira, 18 de fevereiro de 2011

O cupón da ONCE reparte 175.000 euros en Santiago

O axente vendedor Miguel Ángel Presedo García "levou a sorte" ao Polígono de Vite e ao barrio de Guadalupe

O cupón do ONCE repartiu 175.000 euros en Santiago de Compostela, onde se venderon cinco billetes premiados con 35.000 euros cada un relativos ao sorteo celebrado este mércores 16 de febreiro.

En concreto, o axente vendedor Miguel Ángel Presedo García "levou a sorte" ao Polígono de Vite e ao barrio de Guadalupe, onde exerce a venda destes billetes como ambulante.

O sorteo do ONCE tamén rexistrou vencedores noutras zonas do Estado, como as localidades de Almería, Vilanova, e A Geltrú, Madrid e Alicant.

terça-feira, 15 de fevereiro de 2011

Prazas reservadas para os veciños de Vite e Guadalupe

TRÁFICO Nos barrios de Vite e Guadalupe comezará hoxe o control de aparcamentos para residentes. Ao igual que xa se fixo en Pontepedriña, unha vez sinalizadas as plazas con liñas verdes e colocadas os sinais, deuse un prazo de tres semanas para que os veciños e usuarios de aparcamentos se familiarizasen coa situación.

En total, reservaronse catrocentas sesenta prazas en Vite, ademais doutras 143 que durante o día serán libres e se reservarán pola noite. Para os non residentes no barrio quedan 112 plazas de uso totalmente libre.

As prazas de residentes de Vite vixíanse desde hoxe

Nos barrios de Vite e Guadalupe finalizou o prazo de adaptación ao novo sistema de aparcadoiro e, desde hoxe, a Policía Local vixiará que os coches aparcados nas zonas pintadas de verde teñan cartón de residentes e imporá multas a quen incumpran a norma. Do mesmo xeito que se fixo en Pontepedriña, en Vite e Guadalupe estableceuse un prazo de tres semanas para que os veciños e usuarios se familiarizaran coa nova situación. En total reserváronse 460 prazas para residentes en Vite e Guadalupe, e ademais hai outras 143 libres de día e reservadas para residentes pola noite. Doutra banda, quedan 112 prazas libres. En Vite e Guadalupe recibíronse 1.005 solicitudes, das só 113 foron denegadas por non ter o seis meses de antigüidade no padrón ou porque o coche tampouco tiña este tempo.

A seguinte zona na que se implantará a zona verde é o barrio de San Pedro, no que os residentes tiveron opción para solicitar os cartóns de aparcadoiro entre o 24 de xaneiro e o 12 de febreiro.

Nos próximos meses seguirá crecendo a zona verde e, cando termine o proceso en San Pedro, iniciarase no barrio de Almáciga. Nesta zona está previsto que o prazo de solicitude de cartóns comece ao longo do mes de febreiro. Seguirase por Ultreia, Sar, San Lourenzo, Pelamios, Vista Alegre e Santa Marta.

Asociación Veciñal "Polígono de Vite"

Asociación Veciñal Polígono de Vite

Proxecto "Urbana Santiago norte"

proxecto URBANA SANTIAGO NORTE

Centro socio-cultural "José Saramago"

Centro socio-cultural José Saramago

Estades controlados

Auditorio de Galicia

Auditorio de Galicia

Snap Shots

Get Free Shots from Snap.com

Novas Vitenses © 2008. Template by Dicas Blogger.

TOPO