terça-feira, 24 de maio de 2011

Os barrios do norte brindan a súa confianza a Gerardo Conde Roa

Nin sequera o anuncio de investimentos millonarios procedentes do Plan Urbana Santiago Norte, algunhas obras xa en fase de execución, serviu para que os barrios enmarcados nesta área apoiasen o domingo á candidatura de Xosé Sánchez Bugallo. Nas mesas do barrio de Vite, nas que se inclúen algunhas rúas de Vista Alegre e As Salvadas, o resultado foi contundente. Os populares fixéronse con 1.200 votos fronte aos 921 dos socialistas e os 401 que foron para Rubén Cela. Na mesa situada no Colexio Maior Xelmírez-Maristas, que inclúe votantes de Vista Alegre, Salvadas, Lermo e O Avío, produciuse un empate de 202 para o PP e PSOE, con 60 para os nacionalistas.

No barrio de Almáciga e zona de Basquiños, o resultado entre as dúas forzas maioritarias foi amplo. Fronte aos 909 respaldos do PP, os socialistas non conseguiron máis de 597 e o BNG, 350. Tampouco San Caetano, Meixonfrío e As Cancelas apoiaron a Bugallo. Tamén San Lázaro é popular.

sábado, 7 de maio de 2011

A escola de Leo e Alén

Creo que hai unha cousa peor que non cambiar aquilo que funciona mal: Cambiar o que funciona ben. E ás veces en tempos convulsos, de diagnósticos rápidos e receitas milagrosas, corremos o risco de querer cambialo todo, ata o que non teriamos que cambiar. É como aquelas operacións estéticas en que o resultado é a eliminación de calquera indicio de estética, xa me entenden vostedes.

A escola de Leo e Alen: Eu non sei se a educación en Galicia funciona ou non. Parece ser que non. Isto din os que dicen que entenden, ou como mínimo quen máis falan de entre os que entenden. E, polo tanto, non opino sobre a Educación, así en maiúsculas e con voz grave, case acabada con do sostido. Falareilles do que si coñezo: A escola dos meus netos Leo e Alén, que esta en Vite, un barrio con mala fama pero moita zoa verde.

Leo ten oito anos. Ás veces fálame das montañas da comarca de Santiago e dos cumes que ve no horizonte. Ou distingue as nubes que cortan a liña do mar, cando ven a Viveiro: Sabe escribir con algunhas faltas e e un neno vivaracho e con moita imaxinación, un dia confesoume que el seria presidente da España para axudar a xente, pero a vez seria astronauta que e o que lle gusta. Fala mis castelán que galego pois os seus compañeiros de Vites son todos castelán-falantes e e o único da sua crase que non da relixion. Non fai falta que lles explique que domina todo tipo de artiluxios mecánicos coma se fose un parente afastado de de Bill Gates.

Alén é mais pequerrecho, casi 5 anos e vai contento á escola. Goza dos intres do patio. E si tu lle dis unha palabra el diche rápidamente cantas as ten, cantas b, cantas ces, e o seu truco de maxia e e un gran comediante.
Creo que non esaxero se lles digo que a metade dos compañeiros de Leo e Alen son estranxeiros, e o resto de etnia xitana. E non hai nin o máis leve indicio de problema. Todo iso funciona cunha disciplina ordenada, que non se impón a berros, pero que se fai respectar. As horas pasan dentro dos corredores do vello colexio de Vite, coa serenidade do conto “Teo vai á escola” que eu e sua avoa lles regalamos no seu momento.

Non entendo de educación infantil, pero creo que a escola de Leo e Alen ensina ben, educa, entretén, socializa, prepara, integra e cantos verbos transitivos máis. Debe de ter moito que ver as súas mestras, que coñecen o seu oficio como os ourives venecianos fan soprar o vidro ou como eu facendo cerámica. E que fixeron da súa profesión unha vocación. Ou a dirección. Ou a APA. Ou o edificio. Non lle lo sabería explicar con detalle.

Só permito dicirlles, sen querer facer da anécdota categoría, que me gusta a escola dos meus netos. Que se cambie todo aquilo que se considere que se ten que cambiar. Pero que non entremos na escola como elefante en unha cacharreria. Eu xa asinaría que a escola de Leo e Alen funcionase no futuro como funciona agora.

Otero Regal

Asociación Veciñal "Polígono de Vite"

Asociación Veciñal Polígono de Vite

Proxecto "Urbana Santiago norte"

proxecto URBANA SANTIAGO NORTE

Centro socio-cultural "José Saramago"

Centro socio-cultural José Saramago

Estades controlados

Auditorio de Galicia

Auditorio de Galicia

Snap Shots

Get Free Shots from Snap.com

Novas Vitenses © 2008. Template by Dicas Blogger.

TOPO