Achan morto na súa habitación do Burgo das Nacións a un estudante de Xornalismo
Daniel Barreira Salgado morreu onte na súa habitación da residencia universitaria Burgo das Nacións. Os seus compañeiros atopárono tendido sobre a súa cama. Un amigo botouno en falta pasadas as catro da tarde. Desde recepción chamárono por megafonía e, como non aparecía, acabaron acudindo a buscalo á habitación. Alí, atopárono na cama. Un estudante de Medicina tomoulle o pulso e xa morrera. O 061 non puido facer nada por el.
Dani, como o chamaban, era cego. Nacera en Caldas de Reis facía 19 anos e estudaba segundo de Xornalismo. Era tamén o segundo ano que vivía na residencia universitaria máis grande do campus, onde era moi coñecido. De aí a profunda consternación que reinou no ambiente do Burgo durante toda a tarde de onte.
Seja o primeiro a comentar
Enviar um comentário