A Escola de Idiomas abre a preinscrición para o ensino de once linguas 40 horas neste verán
A Escola Oficial de Idiomas de Santiago amplía este verán a súa oferta formativa, e ofrece ensino de até once linguas, para as que xa ten aberto o período de preinscrición: inglés, alemán, francés, galego, español para estranxeiros, italiano, catalán, xaponés, chinés, grego moderno e árabe. Hai ademais até un total de 22 modalidades diferentes, desde cursos específicos, até niveis básico, de iniciación, intermedio ou preparación para exames, segundo o idioma. A maior oferta é para inglés e francés.
En todos os casos as clases durarán 40 horas e impartiranse entre o 1 e o 29 de xullo, organizadas pola Asociación de antigo alumnado do centro. Contémplanse horarios de mañá, de
A directora do centro, Esperanza Moreiras, explica que a oferta é moi ampla, pero a experiencia indica que non adoita haber moita demanda: «O ano pasado tamén había unha oferta ampla, e finalmente só se ministraron cinco cursos: 3 de inglés, un de italiano e outro de xaponés».
Con todo, este ano a principal novidade é que se preparará especificamente para os exames de ciclo superior, para os que queda unha única convocatoria, pois a partir do próximo ano suprímense ao entrar en vigor o novo plan. Iso suponse que poderá animar a un número importante de alumnado pendente desa proba a apuntarse para preparala mellor, e haberá esa opción para inglés, francés e galego.
Seja o primeiro a comentar
Enviar um comentário