O Concello investiga unha vertedura no río do Corvo, ao seu paso por Vite, denunciado polo Partido Popular
O Concello está investigando unha vertedura efectuada na noite de onte no río do Corvo que foi comunicado á policía local pola concelleira do PP Amelia González. Esta decatouse da baixada de augas escuras pola zona próxima ao Auditorio sobre as 22.30, tras saír dunha reunión sobre o Plan Estratéxico. As primeiras investigacións do departamento de Medio Ambiente detectaron restos de pedras e terra, o que levou aos técnicos a traballar sobre unha hipótese que a concelleira da área, a nacionalista Elvira Cienfuegos, resérvase de momento en espera dos resultados da investigación. A vertedura procedía de máis arriba da zona onde se detectou e pese á cor que adquiriu a canle, non provocou mortaldade, di a edila.
Seja o primeiro a comentar
Enviar um comentário