terça-feira, 27 de julho de 2010

Raxoi reserva 2.600 prazas para os veciños en dez zonas da cidade

A inmensa maioría poden ser ocupadas mediante cartón as 24 horas, pero hai 400 só para uso nocturno

As dez zonas reservadas na primeira fase para o aparcadoiro gratuíto de residentes ofertarán un total de 2.570 prazas. A maior parte delas son para a súa goce ao longo de todo o día, un total de 2.172, e as restantes (398) só durante a noite. Pontepedriña e Vite-Guadalupe serán as dúas primeiras zonas nas que se aplicará a nova regulamentación, aprobada no mes de xaneiro para permitir que os residentes de determinadas áreas da cidade dispoñan (en réxime excepcional) de espazos para os seus vehículos.

As seguintes zonas serán, por esta orde, San Pedro, Almáciga, Ultreia, Sar, San Lourenzo, Pelamios, Vista Alegre e Santa Marta. Como se pode apreciar, trátase de barrios con vivendas que na súa maioría non dispoñen de prazas de estacionamento. Ademais, sofren a presión dunha serie de institucións ou situacións (Xunta, Hospital, Universidade, centro histórico, Ensanche, etcétera) que invaden os espazos existentes.

A edil Marta Álvarez-Santullano puxo de relevo que a proposta que se pon en marcha nace do consenso coas asociacións de veciños das zonas implicadas: «Foi un traballo minucioso do departamento de Tráfico e un esforzo de consenso coas asociacións veciñais, que coñecen as demandas e a realidade destes barrios».

A primeira fase desta ordenanza será abordada pasadomañá pola Comisión de Servizos e o martes será aprobada pola Xunta de Goberno. A partir de aí, en setembro, iranse establecendo as zonas de residentes coa sinalización vertical e horizontal oportuna e procederase á tramitación dos cartóns.

Ao propio tempo haberá unha campaña informativa para que os veciños coñezan o proxecto e o prazo de presentación de solicitudes. As vías de difusión serán os medios de comunicación, as entidades veciñais e o buzoneo polos barrios. Esta tarefa empezará en setembro para as primeiras zonas de implantación, porque agosto é un mes vacacional no que tería pouco efecto a campaña de información.

Antes de que acabe o ano estarán funcionado as primeiras áreas de residentes, pero a culminación da primeira fase é un proceso que durará entre nove e doce meses.

As prazas con cartón para goce nocturno poderán utilizarse entre as 23.00 horas e as 8.00 do día seguinte. Durante o día serán espazos libres para atender a demanda de centros educativos ou outros servizos situados na zona.

A concelleira de Tráfico resaltou que a implantación deste réxime excepcional de residentes, en convivencia con outros regulados ou non regulados, «é unha vantaxe para os veciños de todos estes barrios». é unha compensación en moitos deles á redución de prazas debido ás reurbanizacións viarias.

Os residentes deberán levar censados polo menos seis meses

O primeiro barrio no que se establecerán áreas específicas de residentes é Pontepedriña, que contará con 307 prazas (as 24 horas do día). Vite-Guadalupe contará con 460 prazas e 143 de uso nocturno; San Pedro disporá de 328 prazas e 88 máis durante a noite; Almáciga, 384 palzas; Ultreia, 54 prazas e 52 nocturnas; Sar, 102 palzas e 41 nocturnas; San Lourenzo, 53 prazas e 64 nocturnas; Pelamios, 161 prazas; Vista Alegre, 152 prazas; e Santa Marta, 171 prazas de vinte e catro horas e 10 para uso de residentes pola noite.

A repartición de prazas varía de acordo á entidade dos barrios beneficiados. A edil de Tráfico mencionou como exemplo a diferenza que media entre San Lourenzo e San Pedro, moito máis amplo este último, á hora de distribuír a oferta de espazos.

O barrio que conta con máis prazas de residentes é Vite-Guadalupe, un dos máis poboados de Santiago. Resaltou Álvarez-Santullano que sobre esta zona existe unha gran presión de aparcadoiros da Xunta (na parte de arriba) e da Universidade (na parte de abaixo).

A mellora da seguridade viaria precisou dunha redución de prazas de aparcadoiro, pero Álvarez-Santullano recalca que eses espazos son superados polos espazos para residentes. Nesa liña, a ordenanza favorece aos veciños dos barrios, pero non a todos. A reserva de lugares vai destinada aos residentes empadroados na zona os anteriores 180 días consecutivos, co coche domiciliado nese sitio, co imposto de circulación abonado e sen ningunha multa pendente con resolución firme pola vía administrativa.

Para ler as novas no seu lugar de orixe, preme aquí e aquí

Seja o primeiro a comentar

Asociación Veciñal "Polígono de Vite"

Asociación Veciñal Polígono de Vite

Proxecto "Urbana Santiago norte"

proxecto URBANA SANTIAGO NORTE

Centro socio-cultural "José Saramago"

Centro socio-cultural José Saramago

Estades controlados

Auditorio de Galicia

Auditorio de Galicia

Snap Shots

Get Free Shots from Snap.com

Novas Vitenses © 2008. Template by Dicas Blogger.

TOPO